Читать книгу Саха фольклора - Группа авторов - Страница 12

Атын киһи алҕаһыгар үөрэн.

Балыгы умсарга үөрэппиккэ дылы.

Былыргы киһи ынаҕынан, аныгы киһи үөрэҕинэн.

Бытыгын быһа үктүөр диэри өйдөммөтөх диэбиккэ дылы.

Илдьэ барар идэм, бииргэ кэлбит мэнигим.

Көтөр өҥүнэн, киhи өйүнэн.

Кумах мэйии, хоҥко бас.

Күн аайы эбиллибэт билии көҕүрүүр.

Күн сири сырдатар, үөрэх – киһини.

Өйдөөх өйүнэн өлөртөн куотар.

Өйө суох киһи хараҕа-кулгааҕа суох.

Өлөн баран өйдөммүт диэбиккэ дылы.

Саҥаттан саҕалаа, үрүҥтэн үйэлээ.

Сүөһү күрүөлээҕэ, киһи төбөлөөҕө үчүгэй.

Сүүс үөрэҕэ суохха биир үөрэхтээҕи биэрбэттэр.

Сэттэ үүккүнэн ситэри иһит, тоҕус үүккүнэн толору болҕой.

Тугу да билбэттээҕэр итэҕэс билии мөлтөх.

Үөрэҕиҥ үөрэнииҥ тэҥэ.

Үөрэҕэ суох киһи – хараҕа суох.

Үөрэнии – сүүрүгү утары эрдэр тэҥэ.

Үөрэнэр хаһан да хойут буолбат.

Үөрэх баар бараммат баай.

Эдэр кырдьаҕастан үөрэнэр.