Читать книгу Ingrid Jonker Versamelde Werke - Ingrid Jonker - Страница 24

Met klei en kryt in die skool het ek

astrante beelde en versies verwek

maar saans soek ek in allenigheid rond

soos na enkele froetangs wat swel in die grond

na die meid met die kopdoek, die koffie, die lag

selfs die hond wat dalk op die agterstoep wag

en vrees ek die maan wat glans deur die wind

en die dartelende keps van die tokkelos-kind!