Читать книгу Ingrid Jonker Versamelde Werke - Ingrid Jonker - Страница 31
Afskeid
ОглавлениеDit was jou laaste onversoenb’re wens
Dit lê my laaste hoop aan bande:
Daarna was ek nie meer dieselfde mens
en staan ek met jou skraal groet in my hande.
En leef jy in portrette en ou drome
en leef jy in my siel volmaak en vry:
Wit vlieg die voëls verby die bome
Uit tien wit briewe spreek jou stem tot my.
Toe moes ek my van andere afwend
En toe my ongeneesbaarheid vermoed
Jy sal jouself vir my nooit skend
Want in my hande lê jou laaste groet.
