Читать книгу Ingrid Jonker Versamelde Werke - Ingrid Jonker - Страница 42

Ek het jou herwin van die see

en waar die stormwaters was

die aarde aan jou teruggegee

saad van my begeerte son van my woord

wat bome plant in jou vore

teen die kus van die dood

Ek het ’n hemel bo jou gerond

fondamente laat sak en ’n stad

laat bloei uit jou grond

Ek het jou teruggegee aan die lug

maar met die eerste sirenes

van jou weggevlug