Читать книгу Sürgün - - Страница 13

Sevdiyim, həsrətdən bir tel ayırıb,

tellərin darasa, yollara baxsın,

bir zaman üz tutub, könül verdiyi

gedibdir harasa, yollara baxsın.

Vəfasız günlərə yağır gileylər,

qürbət vəfasızı bədgüman eylər,

dolanır başıma gözləri göylər,

gözləri qarasa, yollara baxsın.

Mən hüznü yollarda tapıb, getmişəm,

atımı dördnala çapıb, getmişəm,

ömrümü yollara səpib, getmişəm,

kim məni arasa, yollara baxsın.