Читать книгу Палас с узорами. Стихотворения и поэмы / Аҫалы балаҫ - Лариса Абдуллина - Страница 6

Уттар һүнгән, ем(е)рек өйҙәр,

Шығырҙай иҫке ҡапҡа.

«Бында кешеләр йәшәй…» тип

Яҙып ҡуйылған аҡҡа.

Бейек-бейек ҡатлы йорттоң

Ыҫланған диуарҙары.

«Бында кешеләр йәшәй…» тип

Ырылған әҙәм зары.

Соҡор-саҡырлы урамдың

Дөмбәҫләнгән тыҡрығы.

«Бында кешеләр йәшәй…» тип

Ҡуҙлана өмөт йыры.

Бында кешеләр йәшәгән.

Бында кешеләр йәшәр!

Һәр бер бала бында – батыр!

Һәр бер яҙмыш бер әҫәр.