Читать книгу Toe dit nog vroeg was - Mari Grobler - Страница 16
Skilder
ОглавлениеHy wat van geskrewe taal niks wis,
praat met vere, stokkies, beensplinters,
klipskerwe en bokhaarkwaste.
Sy verf is witklei, voëlmis, plantsap;
klipstof, houtskool, skulp
met bloed, sweet, spoeg en pis berei.
Tien kleure in kalbassies om sy lyf;
dit sif terwyl hy draf.
Netnou jag hy grootwild
met sy voëlveerkwas.