Читать книгу Toe dit nog vroeg was - Mari Grobler - Страница 5
Moer
ОглавлениеDie oer-een – sy beef
in duinsand. Sy styg
in plantsap. Sy ritsel
in bome. Sy vlam
op in die son-as.
Die mooi een – sy dans
in bye. Sy drup
uit wolke. Sy blink
in sterre. Sy sing
in branders se kom en gaan.
Die ondermaanse een – sy speel
met bokgeeste. Sy seil
in slange. Sy vlieg
hoër as voëls. Sy swem
dieper as vis.
Die aardmoer – sy het
meisies se kraampyn. Sy hoor
babas huil. Sy heel
met veldmedisyne. Sy dra
alles wat is!