Читать книгу Karnaval en lent - T.T. Cloete - Страница 5

Vooraf

die oersop aan die begin is konsuis

gegis in die sielige

wetenskaplike kombuis

alles word daar geweeg getel en gemeet

deur mense wat gevangenes

van hulle eie intellek is

alle ken en weet

of óntken van die Daarvóór

berus dus op ’n dun slymerige

sopperige metafoor

die metafoor is hart en siel van die gedig dus

is dit onbetwisbaar dat alle wetenskap op ’n gedig berus