Читать книгу Mən sadə yolçuyam - Vahid Çəmənli - Страница 16

Arif Məlikov

Bir içim su idi səni unutmaq,

Silmək ağrı verən adını belə…

Bəs niyə unuda bilmədim səni?

Qaladım sinəmə odunu belə.

Budurmu, dediyin o sevda, filan,

Qum kimi, çöp kimi gözümə dolan…

Deyirdim, məhəbbət yalandı, yalan,

Anlaya bilmədim dadını belə.

Vahid, çox dedilər həyat dadlıdı.

Bu həyat deyil ki, – qapazaltıdı.

Ruhum yox, görünən boş qaraltıdı,

Çətin, bir də sevəm qadını belə…

13.05.2019