Читать книгу Әманәт = Завещание - Алсу Шанова - Страница 2

Мин дәресне тыңламыйча

Уйланып утырганда,

«Нургатина, – дисез кабат, –

Кирәк дәрес тыңларга!

Син һәрвакыт уең белән

Әллә кайда йөрисең…

Кабатлап дәрес сорасам,

Аңламыйсың, белмисең…»

Абый, дәрес аңлатканда,

Нигә бер дә көлмисез?

Минем күңелдә ни барын

Сизмисез дә күрмисез…

Ничек дәрес тыңлыйм инде,

Уем минем башкада.

Законнар, тигезләмәләр,

Ньютоннар да юк анда!

Телисезме, менә хәзер

Сезгә дәрес аңлатам!

Физиканы белмим шул мин…

Тик мин аны яратам!!!

Йөз вольт белән яратам!!!