Читать книгу Әманәт = Завещание - Алсу Шанова - Страница 6

Күзләреңдә – яшьләр, арыгансың бугай

Чын дөреслек эзләп ялганнан.

Киләчәккә булган зур өметләр

Җимерелә бүген яңадан…

Дустым… Нигә кабат уйчан караш?!

Күңелең синең иртә картайган…

Беләм, авыр ишетү яклау сүзе

Сиңа «якын» булган ятлардан.

«Барсы да өйрәтә, алар әллә

Миннән дә шәп яши беләләр?!» –

Уйларың чиксез, гүя барсы

Синең хисләреңнән көләләр…

Дустым, җәйге чыктай,

Моңсуланып яшең койма син,

Сөрт яшеңне, елмай әйдә,

Онытыплар хәтер кайгысын.

…Күзләреңдә яшьләр, ә син миннән

Позитив бер шигырь сорыйсың.

Кабат шаян шигырь сорыйсың!!!