Читать книгу Әманәт = Завещание - Алсу Шанова - Страница 9

Авырыйм мин. Табиб кушты

Бары ятып торырга…

Ә мин күңелсез булганга

Уйныйм компьютерда.

Йөткерәм, төчкереп алам,

Һич кенә булмый күнеп.

Шулай уйнап утырганда,

Китте компьютер сүнеп.

Кабынмагач, дәштем өйгә

Программист абыйны.

Карады да, килеп чыкмый,

Ул да ясый алмыймы?!

Әйтте абый: «Булмас ясап,

Вирус кергән аңарга.

Һич булмаса, килермен мин

Антивирус куярга».

Минем авыру икәнне

Компьютер белгәндер.

Төчкергәндә, компьютерга

Миннән вирус кергәндер…

Тиздән программист абый

Куйды антивирусны.

Компьютер эшли, шөкер,

Ә мин һаман вируслы…