Читать книгу Яңа гасыр тавышы / Голос нового века (на татарском языке) - Антология, Питер Хёг - Страница 74

Җир дә – бер күләм. Күк тә – бер күләм.

Җан да – бер күләм.

Шуңа – пошынма.

Тын тор. Сүзеңне тыңласын Җиһан

Яфрак шавында. Җил сулышында.

Сирень фокстроты, шомырт кадриле,

Тузганакларның көяз вальсында.

Яратыр өчен сүзләр… кирәкми.

Син бит беләсең. Сүзсез. Барысын да.

Дөнья бер чиктән икенче чиккә

Айкала әле.

Айкалыр озак.

«Без идек сездәй. Бездәй булырсыз».

Кочаклап елар…

Юк!

Үбәр өчен —

Җирсегән чакта —

Калсын бу туфрак.

Бары – бер күләм.

Артыгы түгел.

Артыгы – хәрәм.

Артыгы – әрәм.

Шуңа – пошынма.

Чиксез бу җирдә

Чикләр булганга

Бәхетле адәм.