Читать книгу Яңа гасыр тавышы / Голос нового века (на татарском языке) - Антология, Питер Хёг - Страница 86

Болгавыр заманда

Котыра бураннар,

Җил дулый калада.

Кайгыдан туепмы,

Салкыннан куркыпмы,

Ай улый далада…

Салкыннан курыксаң —

Тумавың хәерле,

Ә тусаң —

Кайнарлык бөркелсен рухыңнан.

Рух диләр.

Кайда ул?

Татарның нык рухы ул кайда?

Җәлилдәдер, бәлкем,

Исхакый саклыйдыр,

Асырыйдыр аны Тукай да.

Татарның нык рухы сизелә каләмдә:

Кылыч күк яра ул болытны.

Татарның рухы бар,

Бар аның каләме —

Син шуны, татарым, онытма.