Читать книгу Ingrid Jonker Versamelde Werke - Ingrid Jonker - Страница 15

Hul het my uitgekies en ingetroon

tot hierdie tronk waarin ek woon

waarom hul daagliks, vry nog, gaan

en nie my stom kreet kan verstaan

’n Eerste Prys hang om my nek

maar saans verlang ek halfpad gek

terug na die kudde, weg van hul lof

na die Karoo-veld en die stof

waar ek nog trots teen die aandwind staan

een van die duisende sonder naam,

Sonder die juk van die roem of die dors

en die Eerste Prys op my bors.