Читать книгу Звездный дар. Сборник стихов / Урмала савгъат - - Страница 11

Къаркъуби, эй, къаркъуби,

Къалурбазир далгунти

Инсантала кьисматлис

Къакъбяхъван удяхъибти.

Къаркъуби уркIилизир

Мургьи-шандан дихIянти,

ХIушазир акIубти сар

БикIар марли уранти.

Къуймуртала тIулбачир

Зубартиван уханти,

ЦIуб арцла уркIилизир

Дергурли хIердиранти.

ГIянтIикIала хъябличир

Аръа кьяйда рурхIянти,

ВатIан дазурбира

ХIедуахъи дихIянти.

Давлачебтала дунъя

Вачуртазиб бихIянти,

Къаркъуби инсантала

Кьисматуни ирзанти.

Иш дунъя баргаэсра

Балгахъесра диранти,

Адамла цIумъалара

Диадалри иргъанти.