Читать книгу Звездный дар. Сборник стихов / Урмала савгъат - - Страница 7

ХIяжатли сай наб гьункья

ГIямрула архIяличив,

Бархьдешла гьундурачир

Ахирличи раайчи.

ХIяжатлигу наб гьункья

Дигайла майдунтачив,

Катругуни, кьавкьавти

ХIерумсули ахъайчи.

КарцIайла бурямтани

КIариван пяхIхIейруси,

ГIямрула давлумани

Ханван хамхIейрахъуси.

Дурабси дугIла бецIван

БугIяр чилла бучIалли,

Дила мякьлар дугурби

Ванали хIердируси.

ХIяжатли сай наб гьункья

ГIямруван варх валгунси.

Закла зубарти кьяйда

Шалали хIерикIуси.

ГIямулти хIедагьурли

ГIямру мяхIкамдируси,

Дила кабурхул яхIлис

Даим къарауйчивси.