Читать книгу Звездный дар. Сборник стихов / Урмала савгъат - - Страница 17

Дила хала дудешли

ЛукIес, учIес хIебали,

Биалра гIялимтаван

ГIямрула гIилму дали.

Ца гьачам шила дублаб

АбитIун шинна урунж,

Шурла къаркъубазибад

Белши гIиниз тIашбатур.

Халкьла кьяркьти гIямрулис

Илаб ахир кабихьиб,

Гьункья шинни ужахъес

Гажинра чебяхIкахъиб.

Илизи къел дарили

БелкIун ужаннис балга,

«ХIялалдиаб викIулра,

Чили милги ахъалра».

ИлхIейчирадли гIяхIцад

Ардякьун дусми дуцIли,

Шарабван умути шин

Сари чяхIкадикIули.

Милги хIехъили цалра

Илавад шалгIерхIелхъан,

Жагьтира бухънабира

ГIиниз барибис булган.

ЦIуб арцла кьянурбачил

Башар исбагьибира,

Рурсбас гIелабадбиркур

Шила гIулухъабира.

Замунта хъумхIертахъур

Дила хала дудешра,

Илала дурхъаси белкI

ХIебуи саб гьаннара.

Бацла шалала удив

Хьураирар гьункьяра,

Балгаван бучIули сай

Хала дудешла белкIра.

Ванзала бухIнабадли

ПарчбикIуси урунжли,

Гьаниркахъу мурталра

Дила хала дудешра.

Адамтас дулгутиван

Иргъулра шинна гъайра,

«ХIялалдиаб дикIутин

Чили милги ахъалра».