Читать книгу Звездный дар. Сборник стихов / Урмала савгъат - - Страница 13

Хамдеш дуаб гъабзала —

Гъазализир дебшалли,

Мардеш дегъаб рурсила —

Вачуртази дашалли.

ТIама буаб чатIала —

Къянбас далайбикIалли,

УбяхIбикаб чIакара

Чякначиб ахъхIебиралли.

Дегъаб зубрала забра —

РяхIму барх хIебихалли,

Кадиркаб зубартира —

Адалкес хIедиралли.

Шала буаб Бацлара —

КарцIай шалахIейралли,

Ранг дуаб берхIилара —

Дигай ванахIейралли!