Читать книгу Звездный дар. Сборник стихов / Урмала савгъат - - Страница 5

БебкIаагарти
Дарган мезличирад шурдатурти сари Марина ГIяхIмадова-Колюбакинани
Бессмертники
Перевод с драгинского языка Марины Ахмедовой-Колюбакиной
Мешудеш

ХIерикIули дяхIличи

Набзи серил викIули,

Гъамиуб пулан хъяша

Нешла дяхI гьанаурли.

Агь, талихI! Риубрагу

Лявварили хIейсахъес,

УрхIла дурхIялисра ну

Нешличи мешурикес.

Марлира, дила дугьби

Ванатири илцадра,

Нешла дяхI хIедагьурси

Нешлагъунтира дяхIра.

Дила биштIаси Ванза,

АкIубла ляврикIулра,

ТIашаа балагьуни, —

Нешван бусраврикIулра.

Дила халаси Ванза,

ДурхIяван цIумрикIулра,

Нешла хIулбачил хIеръа

Инсантачи цайналра.