Читать книгу Саклыйм җылы назларымны = Душа моя полна нежностью - Тарханова Флёра - Страница 71

Якташым Хәсән ага Туфанга

Күренекле якташларга баймын,

Шул байлыгым бирә горурлык,

Хәсән Туфан дигәннәре хәтта

Үзе генә дә меңгә торырлык.

Хәсрәт-газап тулы шигырьләре

Яралагач күңелем канатын,

Әйткән иде: «Нечкә хисләреңне

Җәрәхәттән сакла, канәтем.

Күңел ярасыннан көнен-төнен

Саркып торса эчкә үз каның,

Дошман сине кыеп кына алыр,

Аңа булышыр кайбер «дусларың».

Шуңа күрә дөньяларың онытып

Җебеп йөрмә, канәт, көчле бул,

Кыз-катын21 бит әле назы белән

Алыпка тиң, лачын төсле ул».

Киңәшләрен тотып Туфан картның,

Ерып барам гомер сукмагын,

Аның язмышыннан гыйбрәт алып

Күтәрәмен язмыш тукмавын.

Ул өйрәтте мине югалмаска,

Дуфан22 булып дулап исәргә…

«Хәсән ага» диеп дәште татар,

«Әзи» диде сөеп мишәрләр.