Читать книгу Das Beste von Wilhelm Rudnigger - Wilhelm Rudnigger - Страница 27
Der Sorgenträger
ОглавлениеDa Fritz sagt zu sein Freund, dem Valte:
„Heut bist du aber nit der alte!
Du hast doch alleweil an Grant,
daß jeder, der di anschaugt, mant,
du warst a Trauerweidnzwilling!
Heut lachst als wia a neuer Schilling!“
„Jaa!“ lacht da Valte: „Hurch lei her!
I hab hiatz kane Sorgen mehr!
I hab seit gestern, was ma gspürt,
an Sorgnträger angaschiert!“
„An Sorgnträger?“ mant da Fritz:
„Da machst du aber hiatz an Witz!
Du bist ja … na, i waß nit, was!
Geh, sag amol, was is denn das?“
„Paß auf!“ fangt hiatz da Valte an:
„Ein Sorgnträger is ein Mann,
der is verpflichtet, jeden Tag,
was immer da ah kumman mag,
für di zan schaffn, ohne Rast,
damit du kane Sorgn hast!
Es is sei Aufgab, stets zu waltn,
um dir die Sorgn fernzuhaltn!
Man mietet ihn, solang ma mag:
a Jahr, a Monat oder an Tag!“
Da Fritz mant: „Prima! Doch vur alln:
Was muaß ma denn für so an zahln?“
Da Valte antwurt auf die Frag:
„Der kost fünf Tausender pro Tag!“
„Fünf Tausender?!“ erschrickt da Fritz:
„Pro Tag?? Hiatz sag ma, meinarsix,
da vasteht ma ja die Welt nit mehr!üp
Wo nimmst denn du die Summe her?“
Da Valte mant und lacht ganz fein:
„Das soll sei erste Sorge sein!“
