Читать книгу Асылташ = Драгоценный камень - Юнысова Асия, Асия Юнысова - Страница 28

Ык суының кызыл яры

Буйдан-буйга сузылган.

Кызылъярым, Кызылъярым

Яр кашына сыенган.

Ык суының төбе ташлы,

Сагынам Өемташны.

Сагындыра, сагындыра

Нигезем, өем ташы.

Өемташка таш өелгән,

Ташка тамга уелган.

«Онытма авылыңны», – дип,

Анда язып куелган.

Ык буенда Сабан туе,

Ык буенда каз өне.

Сабантуйга кайталмадым,

Көт, авылым, көз көне.

Ык суында тал шәүләсе,

Ык өстендә ай йөзә.

Туган якның шул сурәте

Җанга уелган бизәк.