Читать книгу Асылташ = Драгоценный камень - Юнысова Асия, Асия Юнысова - Страница 41

Бәллүр тынлык кылын тибрәтеп,

Моң агыла көзгә багышлап.

Көзне каршы ала көяз миләш,

Ал тәлгәшләр белән алкышлап.

Мәтрүшкәләр өзеп, җиләк җыеп

Акланнарда истә йөргәннәр.

Җәй хәтерен инде кибән итеп

Болын куенына өйгәннәр.

Язын сайраганның көзге сые

Ындырларга кайтып тулган чак.

Кашкарыйлы көзге бакчаларга

Төнге күкләр йолдыз койган чак.