Читать книгу Асылташ = Драгоценный камень - Юнысова Асия, Асия Юнысова - Страница 36

Яз илчесе кайткан икән илгә –

Яз кайтара килгән сыерчык!

Сыерчыклар белән җырлар кайткан –

Табигатьтә хәзер хозур чак.

Тал-тирәкнең кунып иң очына,

Сыерчыкны күрче, әй очына.

Атынып сайрап биек куначада,

Тал песиен әнә уятмакчы.

Тал песиләр, назлы иркәләнеп,

Ак мамыгын инде күпертә.

Нурлы Кояшбикә яз хисләрен

Гөрләвекләр итеп йөгертә.

Һәр яз саен ярсып яңаруда

Тормыш яме икән, сайрар чак.

Минем йөрәктә дә канат җилпи,

Тыпырчына җырчы сыерчык.