Читать книгу Асылташ = Драгоценный камень - Юнысова Асия, Асия Юнысова - Страница 39

Менә тагын килеп җитте

И мөбарәк җомга кич.

Җомга кичтә кич утыру

Борынгыдан калган ич.

Әни-әби кич утырган,

Укып «Йосыф китабы»н.

Мөселманга, без татарга

Газизрәк ни тагын?

Җитү кызлар кич утырып

Чигү чиккән бирнәгә.

Җомга кичне без югалтмыйк

Карамыйча бернигә.

Җомга кич ул җыелуга

Әйбәт сәбәп, бер дигән.

Җомга кичнең ипле яме

Тулсын әйдә һәр өйгә.