Читать книгу Klawerjas - Adam Small - Страница 21

Rosalie en ek

was vir ’n geleentheid in Cradock

en met die terugkeer Kaap toe

het ons van ’n hoogte af Graaff-Reinet

se Groot-Karoo gesien – die asembenemende

skakerings van vaal, hier en daar

’n groenigheid en ’n stippel rooi van aalwee.

Bowenal, die skriklike uitgestrektheid van

alles. En ’n mens sien daarná, met nuwe oë,

bewoë, die haai Karoo.