Читать книгу АСАРЛАР (I жилд) - - Страница 101

Кўзларимдан шаҳарларни

       сидириб ташлар

Саҳролар, даштлар.

Қозоғистон дейман,

Руҳимнинг ястанган кенгликларида

Милён комбайнлар

       бирдан иш бошлар.

Эгнимдан,

       енгимдан тўкилади дон,

Кифтимдан,

       кафтимдан қуйилар ғалла.

Тақирлар қиқирлар,

“Зил”лар. Манзиллар.

Дала. Дала.

       Ҳаммаёқ – дала!

Истасанг шамол бўл.

       Истасанг – дарахт

Бўлиб мангуликка беармон тикил.

Бу ерда

       тунларнинг бағри кенг, қара,

Ҳар из азиз сенга,

Ҳар юлдуз – сингил…