Читать книгу АСАРЛАР (I жилд) - - Страница 92

Менинг оппоқ тушларимда

       шовуллар Қора денгиз,

Гўё шундай биқинимда –

       юртимнинг боғларида.

Тўлқинлардай урилади

       қирғоқларга бир қўшиқ:

Ў, Болгария!..

Ў, Болгария!..

Баланд бўйли қизнинг исми,

Ў, Болгария!..

Айтсам, бағрим тўлиб кетар

       муаттар армонларга.

Сочларининг шамоллари

       димоғимни чоғ этар,

Чорлар мени мен кўрмаган

       манзилу маконларга.

Сарв янглиғ солланади

       сарвиқомат бир қўшиқ

Хўрсиниқдай чуқур-чуқур

       тунларимнинг қаърида.

Тепалардан нарида эса…

Тепаларнинг қаърида эса…

Қайлардадир жанубларда,

       оғзи очиқ ғорларда

Бақирар Бақтрия!..