Читать книгу АСАРЛАР (I жилд) - - Страница 107

Энг аввал шу ёруғ жаҳонимни бер,

Сўнг ёруғ жаҳонда армонимни бер.

Токи дардларимдан ободлиғ кўрсин,

Бедардлардан бемор замонимни бер.

Осмон юлдузлари тийра ўлмишлар,

Кўзлар чарақлаган осмонимни бер.

Барча яхшиларим юз бурмиш мендан,

Яхшилар ичра энг ёмонимни бер.

Маҳзун кузга ўхшар сўлғин чеҳралар,

Баҳоррўй, лаблари хандонимни бер.

Ғафлатга ёр этма, туғён буюргил,

Оромимни олгин, бўронимни бер.