Читать книгу Любовь и ненависть / Мәхәббәт һәм нәфрәт - Разиль Валеев - Страница 10

Әткәй кайтты. Сугыштан соң тудым.

Саннар тапкырларга өйрәндем.

Һәр җан җирдә бары тик бердәнбер.

Кушканнар да безне, бүлгәннәр дә…

Җир тарихын яттан өйрәндем.

Санап бетә алмыйм – җирдә күпме кабер.

Бәхетлегә саннар кирәк түгел.

Бурычым күп. Кайчан түләрмен?!

Кемгә – кабер илдә, кемгә – хөрмәт-кадер.

Ике давыл арасында яшим.

Мин бер генә тапкыр үләрмен…

Бер кат яшим җирдә, бары тик бер!

Гомер? Гомер!