Читать книгу Гөлтуран / Гультуран (на татарском языке) - Рәдиф Гаташ - Страница 11

Тагын яндыра сихри көч,

Яндыра минем җанны…

Егерменче йөз уты! – дип

Юанам? Акланаммы?

Язмышымамы сөенәм?

(Шулай яратылганмын!..)

Үзем яндыра аламмы

Йөрәкләрне?

Янам мин…

Яндыра мине нинди көч?

Бер уттан икенчегә

Күчеп барам, һаман янам —

Сүрелә алмыйм – нигә?

Аһ, исән калсам бусыннан

Дим, кермәс идем кабат! —

Гел ерак йөрер идем мин,

Утларга читтән карап…

Юк шул, утлар Алиһәсе

Әсире итеп тота…

Котылу бармы соң алда? —

Анда да язмыш – утта…

Егерменче йөз язмышы

Дип әллә юанаммы?!

Ничә мең ут алда тагы?

Мин – гашыйк Адәм җаны!