Читать книгу Гөлтуран / Гультуран (на татарском языке) - Рәдиф Гаташ - Страница 13

Кавышмаса җаның сөйгән җанына,

Әверелмәсә тәнгә (!) яр кочагында,

Бу була, ахры, оялчан хискә «көч»! —

Йә, ачуданмы, үзеннән «ала үч»:

Хәтта нәфсе дә тартмаган берәүгә

Дәрте җиңә – иреген җуя бәндә,

«Яр» итә ул каргалган бәгъзеләрне…

Андыйлар соң ник үзгә – «назлы» әле?

Мәхәббәтнең яшерен исеме – «җимагъ» мы?

Җанга – җан, тәнгә тән кушылу тик «оҗмах» мы?

…Йолдызым, син күктән баккан чагыңда,

Яндырсаң да мыскыл-әр учагыңда, —

Гөнаһлы Җиргә, бел, ярың табына:

Йөзен сөртә ул гөлләр тузанына…