Читать книгу Eutropius - active 4th century Eutropius - Страница 79

1. Dum bellum in Numidiā contrā Iugurtham geritur,[100]

Rōmānī cōnsulēs M. Mānlius et Q. Caepiō ā Cimbrīs et

Teutonibus et Tugurīnīs et Ambrōnibus, quae erant Germānōrum

et Gallōrum gentēs, victī sunt iūxtā flūmen Rhodanum

ingentī interneciōne; etiam castra sua et māgnam 5

partem exercitūs perdidērunt. Timor Rōmae grandis fuit,

quantus vix Hannibalis tempore nē iterum Gallī Rōmam

venīrent.[101] Ergō Marius post victōriam Iugurthīnam secundō

cōnsul est factus, bellumque eī contrā Cimbrōs et

Teutonas dēcrētum est. Tertiō quoque eī et quārtō dēlātus 10

est cōnsulātus, quia bellum Cimbricum prōtrahēbātur. Sed

in quārtō cōnsulātū conlēgam habuit Q. Lutātium Catulum.

Cum Cimbrīs itaque cōnflīxit et duōbus proeliīs CC mīlia

hostium cecīdit, LXXX mīlia cēpit et ducem eōrum Teutobodum,

propter quod meritum absēns quīntō cōnsul est factus. 15