Читать книгу Күңелем нигъмәтләре = Души моей богатства - Гарифуллин Дамир - Страница 3

Шалтырат, бер шалтыратсаң,

Куана тиле җаным.

Уяна хәтта сискәнеп

Кәрәзле телефоным.

Тарала ялгыз башымны

Иләгән сагышларым.

Наз китерә күңелемне

Биләгән тавышларың.

Бер сөйләшү бәйрәм ясый –

Күп кирәкмени безгә.

Кояшыбыз баеганда,

Нур өстик төнебезгә.

Юл куймыйк әле тормышта

Саргаеп кибү өчен.

Хәл белү җитә йөрәккә

Ирәеп тибү өчен…