Читать книгу Умрим есталиклари - - Страница 33

Қулоқ тутсам ҳақиқатни халқ билур,

Яхши ишни, ёмон ишни ҳал қилур,

Яхшилик қил, сувга от, балиқ билур,

Дейди балиқ билмаса холиқ билур,

Яхшилик-ёмонлик ўзингдан бўлур,

Қилган ишинг ила сўзингдан бўлур.

Кишига яхшилик тоатдан афзал,

Қилган баъзи ибодатдан афзал,

Ҳаётда энг ширин соатдан афзал,

Яхшилик – бу барча ҳолатдан афзал.

Яхшилик-ёмонлик ўзингдан бўлур,

Қилган ишинг ила сўзингдан бўлур.

Яхшилик қилай деб аччиқ гапирдинг,

Дўстинг нуқсонини очиқ гапирдинг,

Хато кетмасин деб ҳатто дуқ урдинг,

Яхшилик – бу, уни ҳақ йўлга бурдинг,

Яхшилик-ёмонлик ўзингдан бўлур,

Қилган ишинг ила сўзингдан бўлур.

Қўлингдан келганча қилгин яхшилик,

Ёмон ҳам ўзгарар қилсанг яхшилик,

Яхшилик бу барча ҳимматдан улуғ,

Ўктам айтур яхшилик қил, яхшилик,

Яхшилик-ёмонлик ўзингдан бўлур,

Қилган ишинг ила сўзингдан бўлур.