Читать книгу Умрим есталиклари - - Страница 37

Бу йилги баҳорнинг файзи бўлакча,

Завқи ўзгачадир, латофати ҳам.

Боғу бўстонларда, дала-қирларда

Баҳор гулларининг таровати ҳам.

Сахий даламизга меҳр ила боқдим,

Кўркамлик шундаю дилбарлик шунда.

Дон шунда, нон шунда, шунда “оқ олтин”,

Ҳатто бир-бирига дилдорлик шунда.

Бу баҳорда тўкин тўйлар бўлажак,

Бу баҳор ҳар қанча мадҳ этилса оз.

Шунданми табиат бор бисотини

Одамлар йўлига қилди пойандоз.