Читать книгу Sürgün - - Страница 26

Sən bir gül kolusan, qız,

solacaq degilmisən,

gözəllikdə qərq olub,

dolacaq degilmisən?

Ətrin min gülün ahı,

oyatmazmı allahı,

mən görürəm sabahı,

olacaq degilmisən?

Gün boylanar güneydən,

yerlər məst olar meydən,

ay kimi baxıb göydən,

güləcək degilmisən?

Hal əhlilər hal bilər,

olmuşu xəyal bilər,

sevda dilin lal bilər,

biləcək degilmisən?

Gül dərdin dəstə-dəstə,

kim təbibdir, kim xəstə,

ölərsəm, qəbrim üstə,

gələcək degilmisən?

Mən taleyimdən sürgün,

açıqdır ömür sərgim…

Sən də yağmurlu bir gün,

öləcək degilmisən?