Читать книгу Sürgün - - Страница 27

Ya torpaq, ya məhlul olsun,

doyulmalıdır adamlar,

ya padişah, ya qul olsun,

duyulmalıdır adamlar.

Halı xoşdur uyğusundan,

səsi çıxmır qorxusundan,

şərin qəflət yuxusundan,

ayılmalıdır adamlar.

Alçalıb, düşüb dərinə,

məhəl qoymaz qədərinə,

qaldırıb adam yerinə,

qoyulmalıdır adamlar.

Əriyir yazlarda qartək,

yoxa çıxır haram vartək,

daşa, qədim yazılartək,

döyülməlidir adamlar.

Əzab yox, bu əzab kimi,

məşəqqət, iztirab kimi,

içi bulanmış qab kimi,

yuyulmalıdır adamlar.