Читать книгу Сляза ляза - Павел Гаспадыніч - Страница 9

А што такое жыццё,

Калі не хвалі,

Які гайдаюць

Нібы каралі

Лёс на вятрах і агні?

А што такое жыццё,

Калі не кросны,

Якія ткуць восень

Нібы нябёсы просінь

Ад самай вясны?

А што такое жыццё,

Калі не вагі,

Якія ўсе твае смагі

Хістаюць улева-управа

Выбарам адным.

А што такое жыццё,

Калі не спатканні,

Хістанні,

Ткацтвы,

Гайданні,

Ваганні

З мэтай адной —

Пазбегнуць растання?..