Читать книгу Гөлтуран / Гультуран (на татарском языке) - Рәдиф Гаташ - Страница 64

…Ә нинди көч хуҗа минем җаныма?

Һәр ике дөньяда булыр ядымда?

Ничә дистә денсез-имансыз еллар

Мең гасырлык пакь диннән аердылар!

Әмма илаһ иттек без туган телне,

Газиз кавем, җандагы ватан-илне…

Шулай бугай үзебезне сакладык.

Җанны бөтенләй гөнаһка атмадык!

Фәрештәдәй ак калдым дип әйталмыйм,

Саклады тик пакь күңеле әнкәмнең…

Һәм яр итте илһам милләт баласын,

Хәзер дә, рух, шуңа тугры каласың!

…Ярның бар үз рух хуҗасы, дөньясы…

Тик үзгәрмәс – аңа Гаташ догасы!