Читать книгу Versamelde werk: Sheila Cussons - Sheila Cussons - Страница 94
Groen reën
ОглавлениеEk sit in my huis waar rondom die reën
om uit sy geruis ’n vers te versin;
die groen ruit stroom, ’n merel borrel
in die groen geheimenis van ’n struik;
die miljoenende stad loop wyd en syd
soos verwaterde bloed
en het niks aan my wat warm en dig
kleure bekyk en klanke beluister:
o maar dis julle wat bleek
dis julle wat stom
dis julle wat koud
dis julle wat met
opgeloste soekende kontoere
huis toe kom
in die kloppende vastheid van my woorde.
