Читать книгу Dağlar - Aşıq Alqayıt - Страница 15

Baxdım sərhəd boyu ağlatdı məni,

Tikanlı, məftilli, simli söyüdlər.

İllər ayrısıdır, il dustağıdır,

Gözləri qan yaşlı, nəmli söyüdlər.

Bir elin doğması, həm yadısınız,

Könül ahısınız, fəryadısınız.

Siz də bu torpağın övladısınız,

Ay həzin laylalı, bəmli söyüdlər.

Alqayıtam, müjdə gətirin mənə,

Bükün bir kağıza, ötürün mənə.

Vətən birliyini yetirin mənə,

Pərişan söyüdlər, qəmli söyüdlər.