Читать книгу Dağlar - Aşıq Alqayıt - Страница 23

Min vəd eyləsələr, yatmaz, bilirəm,

Şöhrət laylasına yatmayan ağlım.

O sısqa çaylarda batmaz, bilirəm,

Dərin dəryalarda batmayan ağlım.

Asana qaçmadı, sevdi çətini,

Qazandı ellərin məhəbbətini.

Vətən torpağının naz-nemətini,

Gümüş qədəhlərə satmayan ağlım.

Alqayıt tanıyır qibləgahını,

Ulu xilqətini, səcdəgahını,

Yaşasın dərk edib öz günahını

Özgəni müqəssir tutmayan ağlım!