Читать книгу Dağlar - Aşıq Alqayıt - Страница 28

Aldanıb getsəydi fıtnə-fəsada,

İnsan qovğalara, hərbə düşərdi.

Mehriban qardaşın, doğma bacının,

Biri şərqə, biri qərbə düşərdi.

Düşmən kəsilərdi qoyunla quzu,

Qılınca dönərdi dağların buzu.

Hamı tapdayardı çörəyi, duzu,

Ürəklərə neçə qəlpə düşərdi.

Alqayıt, əyməyib düzü kişilər,

Üzə söyləyibdir sözü kişilər.

Qadın olmasaydı, bəzi kişilər,

Qadın üstə müharibə düşərdi.