Читать книгу МАНГУ АФСОНА - - Страница 33

Ниначилар учиб ўйнайди,

Жимирлаган сувнинг мавжида.

Кўз ёшимни ичиб тўймайди,

Сен қайларга кетдинг, Мавжуда?

Шамолларда қалдирғоч кезар,

Мезонларни кесар беҳуда.

Жавоби йўқ саволлар эзар,

Сен қайларга кетдинг, Мавжуда?

Одамлар шод, одамлар кулган,

Мен куйлайман. Қўшиқ авжида.

Сенсизликка Самарқанд тўлган,

Сен қайларга кетдинг, Мавжуда?