Читать книгу Տաղեր - იაკობ ცურტაველი - Страница 12
[ԺԲ]
ՏԱՂ [ԾՆՆԴԵԱՆ], ՏԵԱՌՆ ՆԵՐՍԻՍԻ ԿԼԱՅԵՑՒՈՅ
ОглавлениеԾագումն յարփւոյն, ը~, փառաց
Փայլեալ, ը~, յարարածս եւ լուսաւորեաց:
Լոյսն, որ ի սկըզբանէ աշխարհի,
Վերըստին հաստատի դարձեալ:
Դարձեալ նոր Իսրայէլ ի Քրիստոս, ը~,
Հաւատոյ սեամբ լուսաւորի:
Զլոյս մեծ գիտութեան, ը~, տեսին, ը~,
Ժողովուրդք` որք ի խաւարի:
Խաւար ստուերին աւրինացն փոխեալ, ը~,
Տեղի ետ լուսոյն ճըշմարտի:
Ճըշմարիտ Մելքիսեդեկ, անմայրն յառաջ,
Այսաւր անհայր ծընանի:
Ծնընդեամբն, որ ի Կուսէն,
Զաւրէնըս բընութեան ելոյծ ըզծնելոց:
Ծնեալքս յապականութիւն ցընծամըք
Ծընընդեամբ անապականին:
Անապական կուսածին Որդին
Զանապական շնորհեաց մեզ ծընունդ:
Ծընեալք աւազանաւն,
Ըզծընեալն ի Կուսէն փառաւորեցէք: