Читать книгу Տաղեր - იაკობ ცურტაველი - Страница 6

Նոր ծաղիկ բըղխէ այսաւր յարմատոյն Յեսսեայ,

Եւ որդի Դաւթի ծնանի Որդին Աստուծոյ:

Րոպէից Տէրն աւծանի արքայ նոր Իսրայելի,

Սրովբէից անտես բնութիւնն տեսանի մարմնով,

Ի լոյսն անմատոյց բնակեալն խանձարրաւք պատի.

Սա անմայր յառաջ ծընեալ, անհայր ծընանի,

Ի բարձունս անբաւ վերնոցն` յայրըն պարագրի.

Երեւի տղայ ծերունին, մանուկ հինաւուրցն,

Անեղն եղանի այսաւր մարդ ճըշմարտապէս.

Յիւր պատկերըն գայ կամաւ կերպարանըն Հաւր,

Սիրով խոնարհի ի մեզ բարձրեալ թագաւորն:

Եկայք զնախատաւն ծնընդեանս վերապատուեսցուք,

Րամեալ մայրութեամբ հաղորդ լիցուք ծնիցելոյն.

Գոհութիւն տացուք նըմին ընդ Հաւր եւ Հոգւոյն,

Սուրբ Երրորդութեանըն փա~ռք յաւիտեանս, ամէն: