Читать книгу Versamelde werk: Sheila Cussons - Sheila Cussons - Страница 29
Japanse skildery op sy
Оглавление‘Twee kwartels en ’n struik wat bloei’
natuurgetrou en bo natuur:
die feit is van die droom deurgloei
soos klei deurskynend in ’n vuur.
Die blinde ruspe het van blaar
tot blaar sy bottersagte odyssee
nie delikater kon beskryf
as die penseel van tint tot halftint nie,
so lig soos God se vingertop
as hy die magtige kokon verseël:
koeël van ’n dood wat tot ’n vlerk
se silwer vlam sal detoneer.
